الأسبوعين اللي راحت قفلت كل تطبيقات جوالي تقريبًا ما عدا ( الواتس ) اللي اكرهه بس مضطرة اخليه
كانت فترة نقاهة أبي ابتعد عن كل مصدر قلق أو انتظار أو التزام يعني حتى البنت اللي أنا وياه عندنا مشروع يتطلب نكلم بعض كل يوم اعتذرت منه وقلت نوقف هالفترة ما أبغى انتظر أحد ولا أحد ينتظرني
أبغى أعيش حرة بلا التزامات ولا انتظارات
ودي ترتخي أعصابي شوي ..
والحمدلله كانت فترة جدًا جدًا جدًا مريحة
حتى نومي أفضل 👍🏻
………………….
سبحان اللطيف 🤍✨
من عبارات أمي اللي دايمًا ترددها
(( الله ما يقطع من جهة إلا ويوصل بالثانية ))
يعني لو خرب عليك شيء بيصلح لك شيء ثاني
أو لو فاتك شيء بيجيك شيء ثاني
يعني باختصار تشين من ناحية وتزين من ناحية ثانية
اليوم تمام الـ ١٠٠ لفقدي وصدمتي 🌚
ولكن خلال هالفترة كانت تحفني الكرامات من اللطيف من كل حدبٍ وصوب
والأعظم أنها كلها مفاجأت غير متوقعة 🤍✨
لعل أكثر موقف فآجأني وأسعدني وضيّع علومي🤭
هو إنك تحب وتعز إنسان مر عليك في فترة من فترات حياتك وانقطعتوا عن بعض وتسأل عنه وعن أخباره لكن تظن إنك شخص منسي بالنسبة للطرف الأخر ولكن تتفاجئ إنك محفوظ بكاااامل تفاصيلك وهالشخص يتصل عليك بنفسه ويقسم إنه سنة كاملة يبحث عن رقمك وإنه سعيد بوصوله لك 🥹🤍
وتلتقون بعد ما كنت تعتقد إنك مجرد شخص عابر
………..
تتمنى زيارات وسفرات لكنك تعرف إنها اشبه بالخيال وتتيسر لك بطريقة اعجب من العجيبة
…………
تصير حاجات مفرحة للناس اللي حولك
………..
فلطفك يا صاحب اللطف الخفي أنقذني
من أحزاني ، من ضيقي وفقري وفاقتي وقلة حيلتي
فلك المحامد كلها لا أحصي ثناءً عليك 🤍