(١)
بعض ظروف الزمن هدت الحيل
وغير الصبر مافيه للشخص حيلة
اللي بقى شعر و قصيد وسهر ليل
بعـض الامانـي يا عرب مستحيلة
———-
(٢)
كلهم شافوك واحد بس أنا شفتك وطن
والله إنك في عيـوني كل كوني والحيـاه
لو يشوفونك بعيني شافوا إن مالك ثمن
ياغناة اللي .. يدور من فقر عمره غنـاه
———-
(٣)
النفس هذي من خسرها وجدهـا
واللي تبع نفسه مع الوقت غـادي
أنا وصلـت المرحلـة اللـي بعدهـا
لو اخسر احلام العمر .. قلت عادي
———-
(٤)
عزاي إني على قيد الأمل لو السنين تميل
مثل شمسٍ تعداها المغيب.. وتنتظر بكره
———-
(٥)
حتى لو إن النفس بالعزله تهيم
كم واحدٍ مجروح لكن ما شكـى
لا تقنع بجملة .. ترا قلبي سليم
القلب ماله صوت لا منّه بكى !
———-
(٦)
مالـي وطن ثابت ولا لي عناوين
والعمر حتى العمـر .. ما عاد وافـر
اسحب سنيني بس مدري على وين
حتـى وانـا مسافـر .. افكـر اسافـر
———
(٧)
أتعب عشان
أشيآء كثِيره أبيها ،
ويا كثر من بَعد البُكا
لـ أجلها نمت !
حاولت أمدّ
لحاف حلمِي عليها
شحّ اللحآف
ومن قسى بردهآ قمت !
———-
(٨)
انكسر بي حلم عيا يـنجـبـر
عادة احلامي تذوقني العـنا
افتقد صبري وأنا كلي صبر
تباً لحلمـي / وتباً لـي أنـا
———-
(٩)
دمعة شقا طاحت على خد الأيّام
ياخاطـري المكسور شد امتعتنـا
لاعاد ترجي شيء من طرد الأحلام
أحلامنـا .. لو تستحـي ما جفتنـا
———-
(١٠)
فـاتنة جداً .. مُباحـه :
للفصـول و للمبـادي
تعطي الصبح انشراحه
لا بدا ضيقه : ينادي !
من فقدها في صباحه ؟
صار يومه يوم عادي !
———
(١١)
العمر مرة .. و الزمن فاني
ما ودي بخوّة ردي عزوم
ما أجادله لو كنت حقاني
وأنا لو إني منتصر .. مهزوم
أشوم و أذكر .. عود رباني
و يبقى كلامي خنجرٍ مسموم
إذا لفظته يقطع لساني
و إذا بلعته يجرح البلعوم
———
(١٢)
قلبي اللي من عرفته وهو يبحث خفاه
ما تعب .. لكني أكبر ويتعبني العدي
لا بقت خطوة على اللي ابي عوّد وراه
وان بغيته يبتدي .. ما يطيع ويبتدي
———-
(١٣)
أنا ذاك السكوت اللي من حروف الهجا مخذول
تعبت من انتظار به أعد الوقت بأنفاسي
يمر الحكي لو ما هو فـوقته مثل لمحة زول
وإذا واعدته فـ وقته يصير لموعدي ناسي
———
(١٤)
أنا ما جيت اسألك وش ججايب
جاك عمري .. من مهادة لتابوتة
معك لا جيت أبحيي حظي الخايب
كل ما طاب حظي .. يرجع لـ موته
————
(١٥)
أحاول أقطف من المعروف : طيبة
ألقى بها من يبادلني : " مروّة "
انا آخر انسان يزعل من حبيبه
وانا اول انسان يرضى من عدوّه
————
(١٦)
يا حلم .. راح العمر وياك عـ الفاضي
كل ما تقدمت خطوة .. جيت متندّم ..!
بديت أحس إن حلمي : يسكن الماضي
من كثر ما أمشي ورا و الناس تتقدّم !